అడివి శేష్ హీరోగా, ‘గూఢ‌చారి’ ఫేం శ‌శి కిర‌ణ టిక్కా ద‌ర్శ‌కత్వంలో, సూపర్‌స్టార్ మహేష్ బాబు నిర్మిస్తున్న మూవీ ‘మేజ‌ర్‌’. శోభితా ధూళిపాళ్ల కథానాయిక.

26/11 ముంబై దాడుల్లో వీర మరణం పొందిన మేజర్ సందీప్ ఉన్నికృష్ణన్ జీవితం ఆధారంగా తెరకెక్కుతున్న ఈ చిత్రంలో మిలటరీ అధికారిగా కనిపించడానికి అడవి శేష్ కఠినమైన వర్కౌట్స్ చేసి బరువు తగ్గాడు.

ఈ సినిమాకు సంబంధించిన ‘లుక్ టెస్ట్’ వీడియోను మహేష్ బాబు విడుదల చేశారు. ‘మేజర్’ సినిమా గురించి, సందీప్ ఉన్నికృష్ణన్ తనను ప్రభావితం చేసిన విధానం గురించి, ఈ వీడియోలో శేష్ చెప్పాడు.

కథ గురించి చేసిన పరిశోధన గురించి తెలిపాడు. మేజర్‌ సందీప్‌ ఉన్ని కృష్ణన్‌ స్టోరీ ఈ చిత్రానికి స్ఫూర్తినివ్వడమే కాకుండా మార్గనిర్దేశం కూడా చేసిందని పేర్కొన్నాడు.

Major first look 

మహేష్ విడుదల చేసిన ‘మేజర్’ లుక్ టెస్ట్

K.G.F: Chapter 2- యావత్ సినీ ప్రపంచం చూపు కన్నడ పరిశ్రమవైపు తిప్పిన సినిమా ‘కె.జి.యఫ్’.. రాకింగ్ స్టార్ యష్ హీరోగా.. కైకాల సత్యనారాయణ సమర్పణలో, హోంబలే ఫిలిమ్స్ బ్యానర్‌‌పై ప్రశాంత్ నీల్ దర్శకత్వంలో విజయ్ కిరగందూర్ నిర్మిస్తోన్నభారీ బడ్జెట్‌తో సీక్వెల్ ‘కె.జి.యఫ్ -చాప్టర్ 2’ తెరకెక్కిస్తున్నారు.

శ్రీనిధి శెట్టి కథానాయిక. అధీరా పాత్రలో బాలీవుడ్ స్టార్ సంజయ్ దత్, ప్రైమ్ మినిస్టర్ రమికా సేన్‌గా రవీనా టాండన్, కీలక పాత్రలో ప్రకాష్ రాజ్ కనిపించనున్నారు. లాక్‌డౌన్ కారణంగా వాయిదా పడ్డ ‘కె.జి.యఫ్ 2’ షూటింగ్ ఆగస్టు నెలాఖర్లో పున:ప్రారంభమైంది.

ప్రస్తుతం షూటింగ్ ఫైనల్ స్టేజ్‌కు చేరుకుంది. లాస్ట్ షెడ్యూల్ హైదరాబాద్ లో జరుగుతోంది. షూటింగులో పాల్గొనడానికి యష్ హైదరాబాద్ లో ల్యాండ్ అయ్యాడు. ఎయిర్ పోర్టులో తీసిన యష్ పిక్స్ సోషల్ మీడియాలో వైరల్ అవుతున్నాయి.

KGF 2

K.G.F: Chapter 2 – హైదరాబాద్‌లో రాకీ భాయ్..

లాక్‌డౌన్ కారణంగా దాదాపు 8 నెలలపాటు థియేటర్లు తెరుచుకోలేదు. అన్‌లాక్ 5.O నేపథ్యంలో కొన్ని నిబంధనలతో థియేటర్లు తెరుచుకోవచ్చని, మినిమం కరెంట్ చార్జీలు చెల్లించనవసరం లేదని ఇటీవల సీఎం కేసీఆర్ చెప్పిన సంగతి తెలిసిందే.

మరికొద్ది రోజుల్లో సినిమా హాళ్లు ప్రారంభం కానున్నాయి. కానీ హైదరాబాద్ నగరంలో ఐదు సింగిల్ స్క్రీన్ థియేటర్లు మాత్రం శాశ్వతంగా మూతపడనున్నాయి.

నారాయణగూడలోని శాంతి థియేటర్, టోలిచౌకిలోని గెలాక్సీ థియేటర్, బహదూర్‌పురాలోని శ్రీ రామ థియేటర్, ఆర్టీసీ క్రాస్‌రోడ్స్‌లోని శ్రీ మయూరి థియేటర్ మరియు మెహదీపట్నం లోని అంబా థియేటర్ COVID-19 కారణంగా శాశ్వతంగా మూసివేయబడ్డాయి. వాటిలో కొన్ని గోడౌన్లుగా ఉపయోగించబడతాయి మరియు మరికొన్ని ఇతర వ్యాపార ప్రయోజనాల కోసం ఉపయోగించబడతాయి. సినీ ప్రేమికులకు, ఇది నిస్సందేహంగా చాలా విచారకరమైన వార్త.

Theaters closed

హైదరాబాద్‌లో శాశ్వతంగా మూతపడనున్న ఐదు థియేటర్లు ఇవే

Happy Diwali

happy-Diwali-2

ఒకొక్క దీపం వెలిగిస్తూ చీకట్లని పారద్రోలినట్లు..
ఒకొక్క మార్పు సాధించుకుంటూ గొప్ప జీవితాన్ని నిర్మించుకుందాం! 🪔🪔🧨🧨

మీకు, మీ కుటుంబ సభ్యులకు హృదయపూర్వక దీపావళి శుభాకాంక్షలు

Wish you all a happy diwali!

Vakeel Saab is an upcoming Indian Telugu-language courtroom drama film directed by Venu Sriram and produced by Dil Raju and Boney Kapoor. It stars Pawan Kalyan, Anjali, Nivetha Thomas, Ananya Nagalla and Prakash Raj.

Vakeel Saab

Vakeel Saab 2

VakeelSaab3

వకీల్ సాబ్ మోషన్ పోస్టర్: పవన్ కళ్యాణ్ పుట్టినరోజున, అభిమానులకు బహుమతి

Vakeel Saab Posters

Weight Loss

నడుం నాజూగ్గా ఉండాలనే కోరిక సాధారణంగా అమ్మాయిలందరికీ ఉంటుంది. ఓ రకంగా అమ్మాయిలందరూ జపించే ఫిట్‌నెస్ మంత్రమే ఇది! మరీ 'జీరో సైజు' అయినా కాకపోయినా నడుం సన్నగా ఉంటే ఎలాంటి డ్రస్సులైనా సూటవుతాయని చాలామంది భావిస్తారు. దీనికోసమే చాలామంది అమ్మాయిలు ఫిట్‌నెస్ సెంటర్లను ఆశ్రయించడం, ఇంట్లోనే రకరకాల వ్యాయామాలు చేయడం, తినే ఆహారంలో మార్పులు చేసుకోవడం.. ఇలా ఎన్నో కసరత్తులు చేస్తుంటారు. ఈ క్రమంలో నాజూకైన నడుమును సొంతం చేసుకోవాలంటే ఎలాంటి జాగ్రత్తలు పాటించాలో చూద్దాం...

రెండుమూడు గంటల ముందే..
రాత్రుళ్లు పడుకోవడానికి కనీసం రెండు గంటల ముందే తినడం ముగించుకోవాలి. అలాకాకుండా పడుకునే ముందు తినడం వల్ల శరీరంలో కొవ్వు పేరుకుపోయి నాజూగ్గా అవడానికి బదులు లావుగా తయారయ్యే అవకాశం ఉంటుంది. కాబట్టి మీకేమైనా ఇతర పనులుంటే రాత్రి భోజనం తర్వాత చేసుకుంటే మంచిది. దీనివల్ల అటు మీకు టైంపాస్ అయినట్లూ ఉంటుంది.. ఇటు లావుగా కాకుండానూ జాగ్రత్తపడచ్చు.
ఎలాంటి ఆహారం?

* నాజూకైన నడుము కావాలంటే మనం రోజూ తీసుకునే ఆహారం కూడా ముఖ్యమే. దీనికోసం తక్కువ క్యాలరీలు ఉండే ఆహార పదార్థాల్ని రోజూ ఆహారంలో భాగం చేసుకోవాలి. జంక్‌ఫుడ్, వేపుళ్లు, చాక్లెట్లు.. మొదలైన వాటికి స్వస్తి చెప్పి.. పండ్లు, కూరగాయలు, గుడ్లు, చేపలు.. మొదలైనవి తినడం అలవాటు చేసుకోవాలి.
* కొవ్వుల్లో కొన్ని మన శరీరానికి అవసరమైనవి కూడా ఉంటాయి. మోనోఅన్‌శ్యాచురేటెడ్ కొవ్వులు ఎక్కువగా లభించే గింజలు, అవకాడో.. వంటివి తినడం వల్ల శరీరానికి అవసరమైన ఆరోగ్యకరమైన కొవ్వులు అందడంతో పాటు, బరువు కూడా తగ్గే అవకాశం ఉంటుంది.
* తృణధాన్యాలను కూడా ఆహారంలో భాగం చేసుకోవాలి. ఇవి ఎక్కువసేపు ఆకలిని అదుపులో ఉంచడంతో పాటు బరువును కూడా నియంత్రణలో ఉంచుతాయి. అలాగే ప్రొటీన్లు ఎక్కువగా లభించే బీన్స్, నట్స్.. వంటివి కూడా తీసుకోవచ్చు.

అతిగా వద్దు!
* తక్కువ క్యాలరీలుండే ఆరోగ్యకరమైన ఆహారం తీసుకోమన్నాం కదా అని, మరింత నాజూగ్గా ఉండాలని.. ఇలాంటి ఆహారాన్ని ఎక్కువ మొత్తంలో తీసుకోవడం కూడా మంచిది కాదు. దీనివల్ల బరువు పెరగడం మాత్రమే కాదు, ఆయాసం వచ్చే అవకాశం ఉంది. కాబట్టి తీసుకున్న ఆహారం మీకు సరిపోయిందనిపిస్తే ఇక తినడం ఆపేయాలి.
* మీరు తినేటప్పుడు చిన్నగా ఉండే ప్లేట్లను ఉపయోగించడం మంచిది.
* ఆహారం వేగంగా తినకుండా.. నెమ్మదిగా నములుతూ తినాలి. దీనివల్ల తిన్న ఆహారం త్వరగా జీర్ణమయ్యే అవకాశం ఉంటుంది. కాబట్టి నెమ్మదిగా తినడం అలవాటు చేసుకోవాలి.
* తీసుకునే ఆహారం ఒకేసారి ఎక్కువగా కాకుండా కొద్దికొద్దిగా ఎక్కువసార్లు తినడం మంచిది.

వ్యాయామం తప్పనిసరి..* నడుము నాజూగ్గా ఉంచుకోవడంలో వ్యాయామం కూడా ముఖ్య పాత్ర పోషిస్తుంది. ఇందులో భాగంగా వారానికి ఐదు రోజులు ప్రతిరోజూ అరగంట పాటు కార్డియో ఎక్సర్‌సైజులు చేయడం అలవాటు చేసుకోవాలి.* ప్రతిరోజూ ఉదయం లేదా సాయంత్రం.. ఇలా మీకు ఎప్పుడు వీలైతే అప్పుడు వ్యాయామం చేయడం మాత్రం మరచిపోవద్దు. లేదంటే ఒక్కో సందర్భంలో మీరు ఎన్ని ఆహార నియమాలు పాటించినా వృథానే అవుతుంది.* ఉదయం నిద్రలేచిన తర్వాత కనీసం 20 నిమిషాల పాటు వాకింగ్ లేదా రన్నింగ్ చేయాలి. దీనివల్ల అటు శరీరానికి.. ఇటు మనసుకు ప్రశాంతంగా అనిపించడంతో పాటు నిద్ర మత్తు కూడా వదిలిపోతుంది. తర్వాత వ్యాయామం చక్కగా చేసుకోవడానికి శరీరం సహకరిస్తుంది.
* డ్యాన్స్ చేయడం, ఈత కొట్టడం, సైక్లింగ్.. వంటివి కూడా నడుముకు చక్కటి ఆకృతిని తెచ్చిపెడతాయి.* నడుము చుట్టుకొలతను తగ్గించుకోవాలనుకునే వారు కాస్త బిగుతుగా ఉండే దుస్తులు ధరించడమే ఉత్తమం. దీనివల్ల వాళ్లు బరువు పెరిగినా, తగ్గినా సులభంగా తెలిసే అవకాశం ఉంటుంది. ఒకవేళ మీకు ఇవి అసౌకర్యంగా అనిపిస్తే మీకు సౌకర్యవంతంగా ఉండే వాటినే ఎంపిక చేసుకోవచ్చు.

నాజూకైన నడుము కోసం...!

How to get slim waist?

Healthy Foods

ఆందోళన తగ్గించడానికి ఆహారాలు

Foods that help reduce anxiety

Running


కార్డియో చేయడానికి సరైన మార్గం

Right way to do Cardio

Drink Lemon water

Benefits of warm lemon 🍋 water

ఏలూరులో వింత వ్యాధి తీవ్ర ఆందోళన కలిగిస్తోంది,
అక్కడ హెల్త్‌ ఎమర్జెన్సీ ప్రకటించాలని చంద్రబాబు సీఎంకు
లేఖ రాశారు. 

5, 6 రోజుల్లో 500 మందికి పైగా ఆస్పత్రి
పాలు కావడం విషాదకరమన్నారు. సురక్షిత నీరు,
పారిశుద్ధ్యంలో ప్రభుత్వం విఫలం అయిందన్నారు.
దుర్దటనకు కారణాలేంటన్న దానిపై అన్వేషణ జరపాలన్నారు.
ఏలూరులో ప్రతి ఒక్కరికి ఎలక్ట్రానిక్‌ హెల్త్‌ కార్డు
అందించాలని, ప్రతి రోగిని నిశితంగా పరిక్షించాలని కోరారు.

Chandrababu Naidu

జగన్‌కు లేఖ రాసిన చంద్రబాబు

4,726 ఉద్యోగాల భర్తికి స్టాఫ్‌ సెలక్షన్‌ కమిషన్‌ (SSC)
నోటిఫికేషన్‌ జారి చేసింది. కంబైస్ట్‌ హయ్యర్‌ సెకండరీ లెవెల్‌
(CHSL) ఎగ్జామ్‌ ద్వారా వీటిని భర్తి చేయనుంది. డిసెంబర్‌
15 లోగా [ssc.nic.in](https://ssc.nic.in/ "ssc.nic.in") లో దరఖాస్తు చేసుకోవాలి. ఆన్‌లైన్‌
విధానంలో పరిక్ష ఉంటుంది. లోయర్‌ డివిజన్‌ క్లర్క్‌/
జూనియర్‌ సెక్రటేరియట్‌ అసిస్టెంట్‌, పోస్టల్‌ అసిస్టెంట్‌/
సారింగ్‌ అసిసెంట్‌, డేటా ఎంటీ ఆపరేటర్‌ పోస్టులు ఉన్నాయి. అర్హత: ఇంటర్‌.

Jobs

4,726 ఉద్యోగాలకు SSC నోటిఫికేషన్‌

తెలంగాణ ముఖ్యమంత్రి కేసీఆర్‌… బీజేపీపై తీవ్ర స్థాయిలో మండిపడ్డారు. నేను ఢిల్లీ పాలిటిక్స్‌లోకి వస్తానని.. బీజేపీ నేతలు వణికిపోతున్నారన్నారు. అందుకే నన్ను హైదరాబాద్‌లో కట్టడి చేసేందుకు వరదలా వస్తున్నారని ఫైర్‌ అయ్యారు. వరదలు వచ్చినప్పుడు పైసా సాయం చేయనివాళ్లు.. ఎన్నికలనగానే క్యూ కడుతున్నారని దుయ్యబట్టారు. తెలంగాణకు పైసా ఇవ్వకుండా కేంద్ర ప్రభుత్వం వివక్ష చూపుతోందని మండిపడ్డారు కేసీఆర్‌.

ఎల్‌బీ స్టేడియం వేదికగా జరిగిన బహిరంగ సభలో తెలంగాణ ముఖ్యమంత్రి కేసీఆర్‌ బీజేపీనీ టార్గెట్‌ చేశారు. ప్రధాని మోదీతోపాటు… బీజేపీ నేతల తీరును కేసీఆర్‌ ఎండగట్టారు. కేంద్రంలోని బీజేపీ ప్రభుత్వం తెలంగాణ పట్ల వివక్ష చూపుతోందని మండిపడ్డారు. హైదరాబాద్‌ వరదలపై తాము ప్రధాని మోదీని 1350 కోట్లు ఇవ్వాలని కోరితే.. 13 పైసలు కూడా ఇవ్వలేదని అన్నారు. తెలంగాణ ప్రజలు ఈ దేశంలో లేరా… భారతీయులు కారా అని కేసీఆర్‌ ప్రశ్నించారు. బెంగళూరు, అహ్మదాబాద్‌తోపాటు ఇతరచోట్ల వరదలు వచ్చినప్పుడు సాయం చేసిన కేంద్రం… హైదరాబాద్‌లో వస్తే ఎందుకు చేయడం లేదని ప్రశ్నించారు. ఇలాంటి వారికి ఈ ఎన్నికల్లో కర్రుకాల్చి వాత పెట్టాలని ప్రజలను కోరారు కేసీఆర్‌.

హైదరాబాద్‌లో బీజేపీ జాతీయ నేతల ప్రచారంపై కేసీఆర్‌ తనదైన స్టైల్‌లో స్పందించారు. ప్రస్తుతం హైదరాబాద్‌లో తమాషా జరుగుతోందని.. ప్రచారం కోసం బీజేపీ జాతీయ నేతలు క్యూకట్టారని అన్నారు. హైదరాబాద్‌లో వరద వచ్చినప్పుడు రూపాయి సాయం చేయనివాళ్లు.. ఇప్పుడు వరదలా వస్తున్నారని విమర్శించారు. బక్కపల్చని కేసీఆర్‌ను కొట్టడానికి ఇంతమంది వస్తారా అని నిలదీశారు.

పక్కరాష్ట్రాల నుంచి ఎంతమంది వచ్చి ఎన్ని చెప్పినా.. వారితో ఒరిగేది ఏమీ లేదన్నారు కేసీఆర్‌. ఎన్నికలప్పుడు ఊకదంపుడు ఉపస్యానాలు ఇస్తే.. ప్రజల కడుపు నిండబోదన్నారు. రాష్ట్ర ప్రజలకు ఏదైనా జరిగితే వారు బాధ్యత తీసుకుంటారా అని ప్రశ్నించారు. స్థానికంగా ఉనన నేతలే ప్రజలకు ఎల్లప్పుడూ అండగా ఉంటారని స్పష్టం చేశారు. వంచకులు, మోసగాళ్లు ఎన్నికలప్పుడు చేసే జిమ్మిక్కులు నమ్మి మోసపోవద్దని ఆయన ప్రజలను కోరారు.

దేశాన్ని నడపడంలో రెండు జాతీయ పార్టీలు ఘోరంగా విఫలమయ్యాయని కేసీఆర్‌ విమర్శించారు. అందుకే దేశంలో కొత్త విధానం, నూతన పంథా రావాలన్నారు. మూస రాజకీయాలకు చరమగీతం పాడాలన్నారు. తానెప్పుడూ ఫ్రంట్‌ పెడతానని చెప్పలేదన్నారు. కేసీఆర్‌ దేశ రాజకీయాలపై మాట్లాడితే జాతీయ పార్టీల నేతలు ఎందుకు వణుతున్నారని ప్రశ్నించారు. మొత్తానికి ఎల్‌బీ స్టేడియం సభ.. గులాబీ శ్రేణుల్లో మరింత జోష్‌ నింపింది. కేసీఆర్‌ స్పీచ్‌ కార్యకర్తల్లో నూతనోత్తేజం నింపింది.

KCR TRS

బీజేపీ నేతలు వణుకుతున్నారు, కర్రుకాల్చి వాత పెట్టండి – కేసీఆర్

ఖండాంతరానికి చేరిన తెలుగువాడు అమరావతికి అండాదండా నేనంటూ నిలిచాడు.. జన్మభూమి రుణం తీర్చగ పిడికిలి ఎత్తి.. కదంతొక్కి నినదించాడు.. ఆంధ్రప్రదేశ్‌లో వైకాపా ప్రభుత్వం మూడు రాజధానుల ప్రకటనతో అమరావతి రాజధాని రైతుల ఉద్యమం ఉవ్వెత్తున ఎగసిపడుతోన్న సంగతి తెలిసిందే. 

ఆంధ్రప్రదేశ్‌ రాజధాని కోసం భూములు త్యాగం చేసిన రైతులను వైకాపా ప్రభుత్వం నిర్లక్ష్య ధోరణితో అణిచివేయాలని చూస్తున్న నేపథ్యంలో పలువురు ప్రవాసాంధ్రులు రైతులకు అండగా నిలుస్తున్నారు. 'ఒక రాష్ట్రం-ఒక రాజధాని' నినాదంతో ఉద్యమిస్తున్న రైతులకు తమ వంతు ఆర్థిక సాయం అందజేసేందుకు #NRIsFORAMARAVATI అనే సంస్థను ఏర్పాటు చేశారు. ఈ సంస్థకు అమెరికా లోని నార్త్ కరోలినా  రాష్టం షార్లెట్ సిటీ ప్రవాసాంధ్రులు  రూ.25లక్షలు విరాళమిచ్చారు.  షార్లెట్ సిటీ ప్రవాసులు టాగోర్ మల్లినేని, నాగ పంచుమర్తి, నితిన్ కిలారు, శ్రీనివాస్ పాలడుగు, బాలాజి తాతినేని, శ్రీనివాస్ చందు గొర్రెపాటి ఆధ్వర్యంలో షార్లెట్ సిటీకి చెందిన 130 మంది ప్రవాసాంధ్రులు రేండు రోజుల వ్యవధిలో రూ.25లక్షలు($31,454) సేకరించి #NRIsFORAMARAVATI సంస్థకు అందచేశారు.

ప్రధానాంశాలు

ఆరోగ్యం

సినిమా వార్తలు

ఫోటోలు

హిందూస్తాన్ డైలీ